Контроверзниот бугарскиот политичар и поранешен европратеник, Ангел Џамбаски упати жестоки навреди кон словенечката пратеничка со македонско потекло, Ирена Јовева по нејзиниот говор во ЕП каде што ги бранеше македонските позиции. Џамбаски ја обвинува Јовева дека „ги мрази Бугарите“. Тврди дека европратеничката има бугарско потекло.
-Еден од најзлобните, најбесните бугаромразци во Европскиот парламент е оваа дама. Нејзиниот татко е Бугарин од Босилеград, за кого вели дека е „Бугарин роден во Србија“, а нејзината мајка е „Македонка“ родена во Скопјe. Јовева постојано изразува вистинска омраза кон Бугарија и Бугарите, го негира постоењето на македонските Бугари, ја негира бугарската историја и наследство во денешна РС Македонија. За ова однесување, поговорки и клиники, колку сакате, но едно нешто не смееме да заборавиме.
Токму ова е резултат на бруталната асимилација и геноцид врз Бугарите во окупираните западни бугарски периферии и во Македонија од страна на српско-комунистичките сатрапи и предавничката политика на бугарските влади од 9 септември 1944 година до денес. Без исклучоци и без извинувања, стои во објавата на Џамбаски кој постојано упатува навреди кон Македонија и кој своевремено гестикулираше со нацистички поздрави во Европарламентот.
Јовева го привлече вниманието во јавноста откако од ЕП порача дека „на македонскиот народ не му е потреба дозвола од никого за да постои“. Таа во интервју за „Локално“ исто така побара од народот во земјава „да не потпаѓа на било каков наратив дека со усвоениот Извештај, ЕП не го признава македонскиот јазик или идентитетот“.