Џеф Безос ја запроси својата девојка

Основачот на „Амазон“ Џеф Безос (59) се вери со својата девојка Лорен Санчез (53), пишува британски „Дејли Мејл“.

Лорен го кажа судбоносното „да“ на луксузната јахта на Безос, а папараците набрзо ѝ „уловија“ огромен прстен на раката. Лорен е поранешна ТВ водителка, а таа и милијардерот официјално се заедно од 2019 година, кога и двајцата ставија крај на долгогодишните бракови.

Таа и Џеф долго време беа љубовници, а потоа протекоа нивните љубовни пораки и двајцата се разделија со своите партнери кои се познавале, па дури и излегувале, што го направи предавството уште полошо.

Пред Лорен, Безос беше 25 години во брак со писателката Мекензи Скот.