Поранешната порно актерка Џена Џејмсон (49) се омажи за својата девојка Џеси Лолес во Лас Вегас.
Парот се венчаше во мај, а ексклузивни фотографии му продаде на магазинот People.
Џена го промени своето презиме во Џејмсон Лолес на социјалните мрежи.
– Се венчавме! Те сакам многу, Џеси Лолес – напишала Џена покрај свадбената фотографија.
– Ја најдов личноста со која навистина требаше секогаш да бидам. Размислував зошто излегував или се венчав со мажи. Себично и лошо е да се каже, но мислам дека мојата движечка сила беа децата. А сега кога навистина се пронајдов себеси, едноставно прифаќам се што чувствувам во себе и не туркам се во вода – искрено признала Џена во интервјуто.
Џена зад себе има два брака, но со мажи. Првиот траеше од 1996 до 2001 година со порно актерот Бред Армстронг, а вториот од 2003 до 2007 година исто така со порно актерот Џеј Грдин. Таа имаше близнаци со нејзиниот поранешен партнер, борецот на УФЦ Тито Ортиз, а во 2017 година ја роди ќерката Бател Лу. Нејзиниот татко е нејзиниот поранешен вереник – Лиор Битон.
Тој беше нејзиниот најголем поддржувач откако таа откри дека има Гилен-Баре синдром, ретко невролошко нарушување во кое имунолошкиот систем ги оштетува нервите, што може да доведе до вкочанетост на мускулите, па дури и парализа. Џена извесно време не можела да оди, а поради насобраната тежина морала да држи диета. Нејзиното лице беше искривено од бројни операции.
Џена е позната по бизнисот со филмови за возрасни, во кој влезе во 1993 година и почна да заработува сериозни пари. Пред да влезе во индустријата 18+, таа работеше како стриптизета. Работела и како модел на „WebCam“ и во кариерата заработила милиони долари, додека нејзиниот животен пат воопшто не бил лесен.
На 16 години била жртва на групно силување, а тврди и дека ја силувал вујкото на нејзиното поранешно момче, кој ја натерал да почне да снима филмови за возрасни откако тој ја изневерил.
Џена долго време била зависна од алкохол и дрога, па нејзините обожаватели се надеваат дека сега ја чекаат само добри работи.