Од Државната комисија за спречување на корупција соопштија дека оставката од функцијата на Драги Рашковски не влијае врз предметите кои се отворени за него.
„ДКСК информира дека оставката на поранешниот генерален секретар на Владата на Република Северна Македонија не влијае на работата по споменатите предмети. Постапувањето ќе продолжи согласно надлежностите и процедурите на ДКСК“, стои во соопштението.
Рашковски поднесе оставка, за што самиот ја информира јавноста со објава на Фејсбук. Овој негов потег доаѓа по случаите за набавката на софтвер што не го користи ниедна институција и за тоа дека Рашковски вози џип „волво-XC90“, кој не фигурира во неговиот анкетен лист. Вчера ТВ Алсат објави дека Рашковски во Побожје ќе гради хациенда од 800 квадратни метри.