Бекот на Њу Орлеанс Пеликанс не беше изненаден од ладнокрвната игра на Лука Дончиќ.
Си Џеј МекКалум е запознаен со европскиот начин на навивање и страста за кошарката.
Тој смета дека седмиот натпревар од НБА плеј-офот не може да се споредува со гостување во Европа.
-Тој играше гостински натпревари во Европа каде што користат факели на трибините. Таму полицајците се вооружени со пушки, стојат на скалите и ги раздвојуваат и смируваат трибините. Ваквите НБА гостувања не вршат притисок врз него. Одигра маестрално, напиша МекКалум на Твитер..
Дончиќ постигна 35 поени во победата со 123:90 во решавачкиот, седми, натпревар од полуфиналето на Западот против Феникс Санс.
Далас со 4-3 во серијата обезбеди пласман во финалето на Западната конференција каде ќе игра против Голден Стејт Вориорс.