Дефанзивецот на Лече, Патрик Доргу не учествуваше на натпреварот на тимот против Парма синоќа (3:1). Тој остана на клупата, а по последниот судиски свиреж се збогуваше со навивачите на клубот од Пуља. Денеска дефанзивецот ќе отпатува за Англија каде ќе ги помине лекарските прегледи и ќе потпише договор со Манчестер Јунајтед.
„Вистина е, Доргу во сабота ќе лета за Манчестер“. Тој е фантастично момче и секогаш го даваше својот максимум. „Не му дозволив да игра затоа што во неговиот ум можеби е веќе на „Олд Трафорд“, коментираше по натпреварот главниот тренер на Лече, Марко Џампаоло.
„Црвените ѓаволи“ ќе платат меѓу 32 и 33 милиони евра за младиот Данец, но со планираните бонуси сумата би можела да достигне 38 милиони. Ова е најскап трансфер во историјата на Лече.
Лече веќе привлече двајца дефанзивци – Данило Веига и Тиаго Габриел, кои треба да ја засилат конкуренцијата во одбраната по разделбата со Доргу.