Министерството за здравство денес соопшти дека преку веб платформата vakcinacija.mk 436.072 граѓани изразиле желба да се вакцинират. Според нивните податоци, на вакциналните пунктови во државата заклучно со вчера вакцинирани се вкупно 239.283 граѓани.
„Прва доза вакцина вчера примиле 1.995 граѓани, а вчера вкупно се вакцинирале 15.155 граѓани. Во државата вкупно се аплицирани 346.931 дози вакцини, а ревакцинирани се 107.648 граѓани. Со последните бројки 47 % од населението над 70 години имаат примено барем една доза вакцина, 41 % од населението над 65 години е вакцинирано со барем една доза вакцина“, велат од МЗ.
Од таму апелираат до граѓаните масовно да се пријавуваат на vakcinacija.mk бидејќи тоа е најлесниот и најбрз пат да се вакцинираат.