Седум лица се повредени во авион поради силни турбуленции за време на летот на „Хавај ерлајнс“ од Хонолулу до Сиднеј.
Во четвртокот, авионот превезувал 163 патници и 12 членови на екипажот кога „наиде на неочекувани силни турбуленции некаде во петтиот час од летот“, се вели во соопштението на авиокомпанијата.
„Авионот само пропадна. Не бевме подготвени“, рекол еден од патниците.
On June 29, #HawaiianAirlines Airbus A330-200 (N393HA) flight #HA451 from #Honolulu to #Sydney encountered severe turbulence while flying at 38,000 feet, about 5 hours after takeoff from Honolulu. Twelve people were injured.
📷 ©RainbowAussie/Reddit#Hawaii #Australia #aviation pic.twitter.com/Ui2UVBqFLt
— FlightMode (@FlightModeblog) July 4, 2023
Лекарите на аеродромот укажале помош на тројца повредени патници кога авионот слетал во Сиднеј. Еден патник и три стјуардеси се испратени во болниците на дополнителни прегледи, а стјуардесите во меѓувреме се пуштени од болничко лекување, соопштија во понеделникот од авиокомпанијата.
Минатата година во тешки турбуленции беа повредени 25 лица на летот на „Хавај ерлајнс“. Четворица патници и двајца членови на екипажот се здобиле со сериозни повреди, додека авионот претрпел помала штета.