ДС бара брза реакција од МВР по претепувањето на Божиновски

Демократскиот сојуз (ДС) најостро го осудува крвничкото претепување на сопственикот на порталот “БУРЕВЕСНИК”, Зоран Божиновски. Од партијата сметаат дека ваквиот мафијашки начин на пресметка, сериозно го нарушува правниот поредок и сигурноста на нивинарите и граѓаните.

-Демократскиот сојуз инсистира на брза реакција од МВР и откривање на нарачатeлите и извршителите на овој насилничко – криминален акт. На Божиновски му посакуваме побрзо закрепнување, стои во соопштението од партијата.

Новинарот синоќа бил претепан пред својот дом од две маскирани лица. МВР работи на откривање на сторителите и мотивите за нападот.