ДС: Владата да ги помогне Македонците во Голо Брдо

Демократскиот сојуз бара Владата да им помогне на Македонците во Голо Брдо, Мала Преспа и другите населби и села во Албанија во одбраната на својот идентитет од притисокот на Бугарија.

„Ова прашање е од врвен национален интерес и затоа сугерираме почести посети на министри, но и стопанственици, се со цел да им се помогне околу инфраструктурата, образованието, здравствената заштита и сл“, велат од партијата на Павле Трајанов.

Претставници на Демократскиот сојуз на 28 .11.2020 година ја посетија Мала Преспа, а наскоро ќе ги посетат Голо Брдо и други населени места во Албанија, потсетуваат од ДС.