ДУИ го награди Мијалков со тригодишен одмор во струшкиот затвор, велат од Алијанса

ДУИ да прекине со наградувањето на нивниот шеф Сашо Мијалков, велат од опозициската Алијанса на Албанците (АА) преку соопштение.

Партијата оценува дека последователните олеснувања и услуги за Мијалков неодамна кулминираа со тригодишен одмор во струшкиот затвор.

-Само во Северна Македонија можете да крадете од граѓаните, да ја злоупотребувате моќта, да станете милионер и на крај да бидете помилувани, амнестирани и наградени со смешни казни и луксузно сместување. Сето ова се случува благодарение на ДУИ, кои ги слушнавме и во прислушуваните разговори кои ги контролираат судиите и обвинителите кои ги именуваа заедно со Мијалков и Јанкуловска, стои во соопштението од партијата на Зијадин Села.