Меган Маркл наводно посакувала да биде на насловната страница на британскиот и американскиот „Вог“ истовремено за септемвриското издание во 2022 година – амбициозна идеја која, според извори, довела до тензии со уредниците на престижното списание.
Како што дознава „Пејџ Сикс“, односите помеѓу војвотката од Сасекс и поранешниот уредник на британскиот „Вог“, Едвард Енинфул, се влошиле поради серија наводни барања што Меган ги поставила. Таа наводно сакала целосна контрола врз целиот процес – изборот на фотограф, новинар, финалната верзија на текстот, фотографиите, па дури и насловите. Покрај тоа, инсистирала на глобално истовремено објавување.
„Меган сакала тотална уредничка контрола и глобално влијание. Никој не го добива тоа. Дури ни Бијонсе“, изјавил еден од изворите за „Пејџ Сикс“.
Маркл дури закажала приватен Зум состанок со Ана Винтур, главната уредничка на американскиот „Вог“, обидувајќи се да ја убеди да ја поддржи идејата за заедничка насловна страница. Но, според истиот извор, Винтур веќе имала други планови – насловната страница за септември 2022 ѝ била резервирана за нејзината блиска пријателка, тениската ѕвезда Серена Вилијамс.
Вреди да се напомене дека досега само пејачката Адел успеала да се појави на насловната страница и на британското и на американското издание на „Вог“ истовремено – и тоа во ноември 2021 година.
Од друга страна, друг извор негира дека Маркл воопшто побарала насловна страница, тврдејќи дека токму „Вог“ неколку пати ѝ се обратил со понуди по нејзината венчавка со принцот Хари. Таа навистина се појави на насловната страница во септември 2022 година – кога го промовираше својот подкаст „Архетипови“.
Во јавноста сè уште кружат спротивставени информации за односот меѓу Меган и Енинфул. Додека некои тврдат дека тие повеќе не се во контакт, други велат дека и понатаму се во добри односи – си разменувале роденденски честитки и цвеќиња. И покрај сите шпекулации, останува нејасно колку од овие информации се вистинити – но очигледно е дека желбата за влијание и контрола може да предизвика турбуленции дури и во најгламурозниот свет на модата.