Случајот Епстин еднаш го потресе светот – и не ги остава на мир САД ни денес. Кога Епстин почина во 2019 година, Доналд Трамп ширеше теории на заговор за неговата смрт. Тие сега би можеле да му се вратат како бумеранг, пишува Томас Лачан во новата анализа на Дојче веле за скандалот што долго време го нервира претседателот на САД, Доналд Трамп.
„Сушење на мочуриштето“, што во преносна смисла е битка со корупцијата, отсекогаш беше едно од централните предизборни ветувања на Доналд Трамп. Тоа беше и едно што имаше особен ефект кај неговите поддржувачи: Вашингтон, гласеше основната порака, е управуван од целосно корумпирана политичка елита која се смета себеси за правно и морално недопирлива. Откако Трамп, наводниот политички аутсајдер, ќе дојде на власт, тој конечно ќе го исчисти и ќе го „исуши мочуриштето“.
За неговите досега толку одушевени поддржувачи, тешко дека постои случај што подобро ја отсликува оваа наводно корумпирана елита од оној на Џефри Епстин. Поранешниот инвестициски банкар се товари дека сексуално злоставувал бројни малолетни девојчиња помеѓу 2002 и 2005 година. Во ова го поддржувала неговата долгогодишна партнерка Гислејн Максвел, која подоцна беше осудена. Во исто време, мултимилионерот одржувал врски со највисоките кругови на политиката и бизнисот, како и со повеќе холивудски ѕвезди.
Движење на заговор „со религиозни призвуци“
За време на неговата кампања, самиот Трамп вети дека ќе ги објави тајните истражни досиеја во случајот Гислејн Максвел и Епстин. Но, сега кога е претседател, повеќе не сака да слуша за тоа. Оттогаш, длабок расцеп се провлекува низ редовите на поранешните поддржувачи на Трамп. Сега се појавуваат сомневања дека самиот Трамп би можел да биде дел од истиот систем против кого некогаш вети дека ќе се бори, пишува Томас Лачан во новата анализа на Дојче веле.
„Џефри Епстин е еден од вистинските подлеци на нашето време“, изјави за ДВ Глен Траш, новинар за правна област во „Њујорк Тајмс”.
„Тој беше силувач на деца. Беше таинствен и негуваше бројни врски со богатите и моќните. Луѓето што моментално се наоѓаат во овој трескавичен врв на политиката на Вашингтон не мора нужно да разбираат дека енергијата на движењето на заговор Епстин доби речиси религиозни призвуци.“ Притоа, токму Трамп, за време на неговото време како претседателски кандидат, помогна во поттикнувањето на неколку теории на заговор околу Епстин.
Митови за заговор од таборот на Трамп
„Таканаречениот ‘Список на клиенти на Џефри Епстин’ е најважниот дел и стана еден вид тотем на овој случај“, објаснува Траш. Поддржувачите на Трамп еднаш го раширија тврдењето дека мултимилионерот поседувал таков список на богати и моќни луѓе на кои им обезбедувал малолетни девојчиња со цел сексуална злоупотреба. „Сепак, истражителите од администрациите на Бајден и Трамп ни кажаа дека таков список не постои“, уверува новинарот на „Њујорк Тајмс”.
Меѓутоа, меѓу поддржувачите на движењето „Да ја направиме Америка повторно голема“, МАГА (MAGA), сомнежите остануваат. Приказната премногу добро се вклопува во широкиот канон на други десничарски митови за заговор, како што е таканаречениот „Пицагејт“- одамна побиено тврдење дека високо рангирани Демократи воделе педофилска мрежа во пицерија во Вашингтон.
Диви шпекулации ја опкружуваат и смртта на Епстин во 2019 година. По неговото апсење, тој беше пронајден мртов во неговата ќелија. Истрагата утврди дека станува збор за самоубиство. Неколку затворски чувари не ги спровеле своите контролни патроли во ноќта на неговата смрт, иако Епстин наводно се обидел да се самоубие само еден месец претходно. Ова понуди доволно простор за диви шпекулаци, ипишува Томас Лачан во новата анализа на Дојче веле за скандалот што долго време го нервира претседателот на САД, Доналд Трамп.
Демократскиот претставник на САД, Џаред Московиц, потсетува на тоа дека Трамп и Епстин некогаш биле соседи со фото-панел во Претставничкиот дом на САДДемократскиот претставник на САД, Џаред Московиц, потсетува на тоа дека Трамп и Епстин некогаш биле соседи со фото-панел во Претставничкиот дом на САД
Самиот Трамп го поттикна ова со постојано зборување за постоењето на „длабока држава“ во Соединетите Американски Држави. Овој термин се однесува на наводна мрежа на тајни доносители на одлуки кои дејствуваат против волјата на американскиот народ.
Длабок раскол во движењето МАГА
Сега, главните застапници на движењето МАГА го бараат разјаснувањето што Трамп своевремено го вети. Сè друго би било „апсолутен пресврт“ што „нема да биде прифатено“ од народот, бесно изјави републиканската конгресменка Марџори Тејлор Грин, некогаш една од најжестоките поддржувачи на Трамп. На социјалните мрежи циркулираат видеа од разочарани поддржувачи на Трамп кои ги палат своите бејзбол капи со натписот МАГА. И цела низа познати десничарски влијателни личности, од Лаура Лумер до Алекс Џонс, се спротивставуваат на курсот на претседателот.
Тој првично се обиде да ја заврши разгорувачката дебата – безуспешно. Потоа во средата, Трамп луто ги нападна своите критичари, кои ги нарече свои „поранешни поддржувачи“: „Нека овие слабаци продолжат да ја работат работата на Демократите“, бесно изјави претседателот. „Не ја сакам нивната поддршка повеќе!“
Трамп и Епстин – комплицирана врска
Особената експлозивност на случајот е поврзана и со фактот дека самиот Доналд Трамп одржувал врски со Џефри Епстин. Видеата од 1990-тите ги прикажуваат двајцата поранешни соседи заедно на забава, а се вели дека Трамп летал со приватниот авион на Епстин најмалку седум пати. Во интервју од 2002 година, тој го нарече Епстин „одличен човек“ и за него- изјави: „Дури се зборува дека тој сака убави жени исто колку и јас. А многу од нив често се од помладата генерација“. Во 2019 година, како претседател, Трамп се дистанцира од Епстин и изјави дека не знае ништо за злоупотребата, пишува Томас Лачан во новата анализа на Дојче веле за скандалот што долго време го нервира претседателот на САД, Доналд Трамп.
И Глен Траш од „Њујорк Тајмс“ досега не можел да најде никакви докази дека самиот претседател е вмешан во скандалот со Епстин: „Спроведовме прилично сеопфатна истрага со разни новинари во нашата и други редакции. Никој не откри никакви конкретни врски меѓу Трамп и Епстин, освен деловни зделки и некои површни социјални интеракции кои се добро документирани на видео и фотографии“, изјави Траш за ДВ.
Огромна загуба на доверба
Сепак, претседателот на САД нема наскоро да се ослободи од духовите што ги повика. По кавгата меѓу Трамп и неговиот поранешен советник Илон Маск, Маск напиша на X пред неколку недели: „Време е да се фрли навистина големата бомба: @realDonaldTrump е во досиејата на Епстин “. Технолошкиот милијардер не даде никакви докази, а твитот беше избришан набргу потоа.
И сепак, аферата со Епстин се разви во длабока криза на доверба за американскиот претседател Трамп, најдлабоката во неговиот мандат досега. Самиот Трамп игра за време и се обидува да ја преброди аферата. Дали овој пат ќе успее, е многу неизвесно.