Градоначалникот на општина Центар, Саша Богдановиќ попладнево инфомираше дека во изминатите два викенди, овластени инспектори за животна средина на Општина Центар, вршат засилени контроли и мерења на гласност во угостителски објекти на територија на општината.
-Со досега извршените мерења, од страна на овластена лабораторија за мерење на гласност, на два локали (Мош и Макка) веќе им се издадени Решенија за преземање мерки за намалување на вредноста на имисионото ниво на бучава во животна средина. Апелирам до сопствениците и управителите на угостителските објекти да се придржуваат до постечките правилници, да бидат обзирни кон жителите кои живеат во близина на локалите и да го почитуваат Законот за заштита од бучава во животна средина. Во спротивно, за секое надминување на граничните вредности, ќе бидат преземени соодветни инспекциски мерки и ќе бидат изречени ригорозни казни, објави Богдановиќ.