Двајца државјани на Македонија се приведени при обид да прошверцуваат 137 килограми марихуана преку граничниот премин „Ѓуешево“, информираат бугарските власти.
Истрагата за случајот ја води Окружното обвинителство во Ќустендил. Поведена е предистражна постапка за шверц на наркотични материи.
Како што информираат бугарските медиуми, настанот се случил околу 22:30 часот на 18 декември, кога на влезот на камионот на контролниот пункт пристигнале две товарни возила со македонски регистарски таблички. Превезувале товар руда за Турција.
Царинските инспектори извршиле темелен преглед на возилата. Во приколката на еден од камионите пронајдени се специјално прилагодени скривалишта – шуплини во дрвени попречни штици (хоризонтални странични прегради). Пронашле 320 пакетчиња со наркотичната супстанца – марихуана. Вкупната тежина на предметот на кривичното дело е 137,045 кг.
На двајцата камионџиите им е одреден притвор до 72 часа.