Двејн Џонсон ги купил сите „Сникерси“ од една продавница поради грешка од детството (ВИДЕО)

од Nikola Popovski

Популарниот американски актер Двејн Џонсон ги купил сите чоколадни плочки „Сникерс“ во една продавница на Хаваи.

Причината за купувањето на околу сто чоколади не е тоа што сака да ги јаде, туку да ја поправи својата грешка од младоста.

Како четиринаесетгодишен тинејџер, Двејн живеел на Хаваи и секој ден крадел Сникерс чоколатца на пат кон теретаната каде што вежбал.

Неговото семејство било многу сиромашно, па немал пари за да ги купи.

„Не можеме да го промениме минатото и не можеме да промениме некои од глупавите работи што сме ги направиле, но понекогаш можеме да направиме нешто за да се искупиме за лошите дела и да ги насмееме странците“, вели Џонсон.

 

View this post on Instagram

 

A post shared by Dwayne Johnson (@therock)

Освен чоколадите, актерот ги платил и сметките на сите луѓе кои случајно се нашле во продавницата.

Слични содржини