Тетовскиот суд го осуди на две години казна затвор Менсур Пајазити, кој во септември во 2022 година со возило марка „БМВ“ ја прегази 22-годишната Теодора Ристевска. Toj се појави на денешното рочиште, а откако му беше прочитано обвинението, ја призна вината.
Тетовскиот суд во ноември во 2023 година, пресуди три и пол години затвор за 44-годишниот Пајазити. Тој се товареше за „Тешки дела против безбедноста на луѓето и имотот во сообраќајот“ од ставот 4 за кој е предвидена затвор од една до пет години.
На претходното рочиште пред Основниот суд во Тетово група млади протестираше и истакна транспаренти со барање правда за Теодора. Претходното рочиште, пред две недели, беше одложено, бидејќи, како што тогаш информираше судијата, обвинетиот бил на лекување и не може да присуствува.
За сообраќајната несреќа која се случи во август 2022, првото судење почна скоро една година подоцна во јули 2023, а во ноември 2023, откако ја призна вината Менсур Пајазити е осуден на три години и шест месеци затвор. По жалба, Апелацискиот суд ја намалил казната на две години затвор, па Врховниот суд ги укинал двете пресуди на Основниот и Апелацискиот суд и предметот го врати на повторно судење.
Случајот на Теодора Ристевска повторно ги отвори прашањата за ефикасноста и ригорозноста на македонскиот правосуден систем, особено во случаи каде жртвите се млади луѓе, а животот им е одземен во сообраќајни несреќи под неразјаснети или спорни околности.