На помалку од две недели пред вонредните парламентарни избори во Германија на 23 февруари по распадот на тројната коалиција на канцеларот Олаф Шолц, анкетите покажуваат дека конзервативците имаат најголема поддршка, а повеќето Германци се загрижени за економијата и високите цени, бидејќи најголемата европска економија паѓа.
Германската Христијанско-демократска унија (ЦДУ) и нејзината баварска сестринска партија, Христијанско-социјалната унија (ЦСУ), кои водат во анкетите на национално ниво повеќе од две години, имаат поддршка од 29 отсто од гласачите, покажува најновото истражување објавено од агенцијата за социолошки истражувања ИНСА, објави денеска Ројтерс.
Следува екстремно десничарската Алтернатива за Германија (АфД) со поддршка од 21 отсто, а централно-левичарските Социјалдемократи (СПД) на Шолц, со 16 отсто, паднаа на третото место од првото место што го освоија на изборите во 2021 година.