Првиот човек во здравството, Арбен Таравари информира дека се работи на два центри каде ќе биде рехабилитацијата на повредените пациенти од кочанската дискотека. Едниот ќе биде на местото на ковид-центарот во болницата „8 Септември“ и вториот ќе биде во Институтот во Козле. На тие што ќе им биде потребна подолга и посериозна рехабилитација, веќе имаме понуди од две држави кои што се понудиле да помогнат.
На денешната прес-конференција во Владата, Таравари информира дека во тек се процедурите за 1.200 вработувања во здравството и за набавката на инсулин.
-Со најновото линеарно зголемување од 2.500 денари за сите вработени во јавниот здравствен сектор направивме уште еден голем чекор напред. Со тоа, вкупното зголемување на платите, заедно со ноемвриското покачување, достигнува 4.815 денари нето за сите здравствени работници, а за медицинските сестри ова зголемување изнесува дури 6.200 денари, рече денеска министерот за здравство.