Напаѓачот на Атлетико Мадрид, Анхел Кореа би можел да биде строго казнет откако беше исклучен на натпреварот од шпанското првенство против Хетафе (2:1) поради навреда на судијата.
Според „Марка“, според правилата на Ла Лига, навреда или употреба на навредлив јазик кон судијата, помошните судии, четвртиот судија, управните или спортските власти, освен ако не се работи за посериозен прекршок, се казнува со исклучување од четири до 12 натпревари.
Аргентинскиот напаѓач доби црвен картон во 87. минута од натпреварот. Кога беше исклучен, Кореа употреби неколку непристојни изрази кон судијата и неговата мајка.
Делегатот ги запиша тие зборови во записникот од натпреварот.
🚨| Angel Correa le dice “SOS UN HIJO DE P*TA* al árbitro en su jodida cara
Veremos el trato de la prensa.
— gam (@mbagamdre) March 9, 2025
„Јорганџиите“ во тој момент имаа гол предност, но Хетафе за само четири минути направи пресврт и забележа важен триумф во борбата за опстанок.
Атлетико Мадрид е трет со 56 бодови, еден помалку од Реал Мадрид и Барселона (натпревар помалку).