Манчестер Јунајтед и понатаму е збунет од слабата игра оваа сезона, иако веќе не се бори за ништо. „Црвените ѓаволи“ претрпеа крупен пораз од Брајтон со 0-4 и дури теоретски ги загубија шансите за пласман во Лигата на шампионите.
Ова е рекордна победа за Брајтон од вкупно 356 натпревари во Премиер лигата и рекорден успех против Манчестер Јунајтед. Досега „галебите“ имаа само три победи против гигантот од „Олд Трафорд“ и сите со еден гол разлика.
„Црвените ѓаволи“ веќе примија 56 гола оваа сезона, што е најлошото достигнување за клубот во ерата на Премиер лигата. Досега Јунајтед нема примено повеќе од 54 гола во една кампања.
Доколку остане на „Олд Трафорд“, Кристијано Роналдо првпат во кариерата нема да игра во Лигата на шампионите. Португалецот досега секогаш учествуваше во групната фаза на турнирот или во квалификациите, како што беше во сезоната 2002/03. Во тоа време, Кристијано се уште беше во редовите на Спортинг (Лисабон).
До крајот на сезоната Јунајтед има уште еден натпревар – против Кристал Палас на 22 мај. И да победи, тимот на Рангник ќе заврши со 61 бод, што ќе биде најлошиот учинок на „црвените ѓаволи“ од формирањето на Премиер лигата во 1992 година. Претходниот анти-рекорд беше 64 поени во сезоната 2013/14.