Еден од обвинетите во „Титаник“ во изолација, утрешното рочиште се одлага

Основниот кривичен суд Скопје  информира дека главната расправа за предметот „Титаник“, предвидена за утре, се одлага заради добиено решение за изолација, согласно протоколите за заштита од ковид-19.

Како што се наведува во соопштението, рочиштето за овој случај е презакажено за 22 септември.

Во судењето за најголемиот предмет на СЈО „Титаник“ Покрај Никола Груевски и Билјана Бришковска – Бошковски, за серија кривични дела во врска со изборен криминал во „Титаник“ се обвинети и Мартин Протоѓер, Илија Димовски, Миле Јанакиески, Гордана Јанкулоска, Едмонд Темелко, Кирил Божиновски, двајца од Агенцијата за разузнавање: Киро Тодоровски и Мунир Пепиќ, како и уште 11 други обвинети, вработени и членови на ВМРО-ДПМНЕ.