Египет: Откриен скриен ходник во Големата пирамида во Гиза

Египетски службеници задолжени за антиквитети објавија денеска дека е откриен скриен ходник долг девет метри зад главниот влез на Големата пирамида во Гиза и наведоа дека тоа може да доведе до дополнителни откритија.

Откритието е направено како дел од проект кој користи модерна технологија од 2015 година, вклучувајќи скенирање и ендоскопи за истражување во внатрешноста на пирамидите, пренесе „Ројтерс“.