ЕК ѝ дава на Хрватска дополнителни 10 милиони евра за помош на најранливите

од Stefanija Kuzmanovska

Европската комисија во четвртокот одобри дополнителни 10 милиони евра на Хрватска за да продолжи да им помага на најранливите во однос на исхраната и основните потреби.

Дополнителната помош е наменета „за оние кои имаат најголема потреба, вклучувајќи ги и оние погодени од пандемијата на коронавирус и два разорни земјотреси во 2020 година“, соопшти Комисијата.

Овие луѓе ќе добијат помош за топли оброци и основни потреби како што се средства за хигиена и училишен прибор.

Средствата беа издвоени од Европскиот фонд за помош на најсиромашните (FEAD), кој ги поддржува активностите на земјите-членки за обезбедување храна и основна материјална помош за најранливите.

Помошта за Хрватска е дел од поголемиот пакет од 336 милиони евра според програмата РЕАКТ-ЕУ, исто така насочена кон Германија, Франција и Грција.

Слични содржини