ЕК издвојува 1,23 милијарди евра за помош на менталното здравје

Европската комисија денеска објави дека ќе одвои 1,23 милијарди евра за помош на менталното здравје во земјите-членки на ЕУ, со цел менталното здравје да стане столб на здравствената политика.

„Денес е нов почеток за сеопфатен пристап кон менталното здравје на ниво на ЕУ, ориентиран кон превенција и со повеќе актери“, рече еврокомесарката за здравје и безбедност на храна, Стела Киријакидес.

Најавено е дека проблемите со менталното здравје веќе погодија околу 84 милиони луѓе во ЕУ пред пандемијата на вирусот Ковид-19, што предизвика економски трошоци од околу 600 милијарди евра годишно, или четири отсто од БДП на ЕУ, пренесува Ројтерс.