Европската комисија донесе одлука да не ги обновува договорите за вакцини против ковид-19 со компаниите „АстраЗенека“ и „Џонсон и Џонсон“ за следната година, објави денес италијанскиот весник „Стампа“, повикувајќи се на извор од италијанското министерство за здравство.
„Европската комисија, во договор со водачите на повеќето земји на ЕУ, одлучи договорите со компаниите кои произведуваат (вирусно векторски) вакцини, кои важат за тековната година, нема да бидат обновени по истекот“, пишува весникот.
Се додава дека Брисел ќе претпочита да се фокусира на вакцините против ковид-19 кои користат mRNA технологија, како што се вакцините на „Фајзер“ и „Модерна“.
Европската комисија побара објаснување од „Џонсон и Џонсон“ во врска со „целосно неочекуваното“ соопштение на компанијата за доцнењето во испораката на вакцини против ковид-19 во ЕУ, изјави неименуван официјален претставник на ЕУ за „Ројтерс“.