ЕК: Рускиот БДП ќе падне за 0,9 отсто во 2023 година

Во 2023 година руската економија ќе се намали за 0,9 отсто, додека во 2024 година БДП на Руската Федерација ќе се зголеми за 1,3 отсто, се вели во пролетната прогноза на Европската комисија (ЕК) објавена денеска.

„Ембаргото за набавка на нафта и рафинирани нафтени продукти се очекува да го отежне опоравувањето на извозот, бидејќи е малку веројатно Русија целосно да ги замени изгубените пазари“, се наведува во анализата на ЕК.

Авторите предвидуваат постепено прилагодување на руската економија кон санкциите, а со тоа и умерено закрепнување на БДП.