ЕК за францускиот предлог: Тоа ќе биде суверена одлука на С. Македонија

Портпаролката на Европската комисија, Ана Писонеро денеска изјави дека одлуката дали Скопје ќе го прифати или не ревидираниот француски предлог за решавање на билатералниот спор со Бугарија ќе биде суверена одлука на Северна Македонија.

„Премиерот Ковачевски започна широки консултации со сите релевантни актери во државата. Консултациите се во тек, а одлуката за ревидираниот предлог ќе биде суверена одлука на Северна Македонија“, вели Писонеро.

Истражувањето на Македонскиот институт за политички истражувања (ИПИС) покажа дека речиси 73 отсто од граѓаните не сакаат да влезат во ЕУ според францускиот предлог, а повеќе од 50 отсто од анкетираните ги поддржуваат граѓанските протести одржани во Скопје.