Италијанските експерти предупредуваат дека вториот бран на коронавирусот сигурно ќе го придружува постепеното отварање на Италија.
Тие повикуваат на зголемени напори да се идентификуваат потенцијални нови жртви, да се следат симптомите и да се следат нивните лица за контакт, пренесува Фена.
Силвио Брусаферо, претседател на институтoт Superior, во вторникот го информираше Комитетот во Сенатот за следната фаза на италијанската пандемија од коронавирус.
Неговото обраќање дојде еден ден откако 4,4 милиони Италијанци отидоа на работа, а рестриктивните мерки беа олеснети за прв пат во два месеци.
Брусаферо рече дека клучот за одржување на контролата е раната изолација на лица за кои постои сомневање дека се заразени, повеќе тестови и карантин на нивните блиски контакти.
Тој рече дека ќе биде потребно „огромна инвестиција“ на ресурси за обука на медицинскиот персонал за следење на можните нови случаи.
Раководителот на Секторот за инфективни болести на Институтот, Џовани Реза, за весникот „Ла Република“ рече дека следните недели во суштина се „експеримент“ за да се види како реагира кривата на заразени кога се олеснуваат мерките.
– Ние не излеговме од епидемијата. Сè уште сме во таа фаза. Не сакам луѓето да мислат дека нема поголем ризик и дека можеме да се вратиме во нормала, рече тој.
Во тешко погодениот северен дел на Италија, Ломбардија, десетици илјади пациенти го преплавија здравствениот систем.
Научниците велат дека втор бран на зараза би го погодил југот на земјата, каде немаше многу заразени.