Политика

Експерти: Зошто службите дозволија терористите да се стационираат во Куманово?

од Vladimir Zorba
87 прегледи

 Како безбедносните служби дозволија група од стотина добро вооружени лица да влезат во Куманово и што правеле Агенцијата за разузнавање и другите служби, прашуваат експертите за безбедност по полициската акција во Куманово, во која загинаа и припадници на полицијата. Од надлежните органи нема објаснување, анализира 24 Вести.

PRESR
„Состојбата укажува на одредени пропусти на безбедносните служби, посебно во раното откривање на онаа состојба која што е донесена да одредена поголема терористичка група се стационира со концентрација на луѓе и оружје во урбана средина. Безбедносните служби требало порано да реагираат односно според оперативни сознанија да превенираат или преземат порани мерки да не дојде до стационирање односно до концентрација на ваква терористичка група во урбана средина.“ изјави универзитетскиот професор Стефан БуџаковскиСпоред експертите, уште почудно е зошто службите не реагирале кога веќе имаа настани кои предупредуваа дека нешто се подготвува.

„Повеќе од јасно е дека има пропусти  во извршувањето на безбедносната функција на нашиот систем за безбедност затоа што ако имаше информации, ако ни се случи Гошинце, мислам дека не смееше да се дозволи да пристигнат тука вооружени групи. Потфрлија во целина разузнувачките информации и сега полицијата е изложена на судир со овие паравоени формации.“, рече поранешниот министер за внатрешни работи Павле Трајанов

Експертите се едногласни дека за овие пропусти мора да се сноси одговорност, особено што резултираа со загуба на животи на полицајци. /24 Вести