Во Киев и во голем број украински региони утринава се слушаат експлозии, јавуваат украинските медиуми.
Шефот на Киевската област Олексеј Кулеба објави дека руските сили вршат масовен напад врз Украина и дека во регионот дејствува противвоздушна одбрана.
Серија експлозии утрово одекнаа во Харков, објави градоначалникот Игор Терехов.
Кличко: Експлозии во два кварта на Киев
Градоначалникот на Киев Виталиј Кличко соопшти дека утринава одекнале експлозии во два кварта на главниот град на Украина.
Експлозии се слушнале во областите Десњан и Днипро, изјави Кличко, пренесува „Укринформ“.
Украинските медиуми јавуваат дека руските сили утринава вршат масовен ракетен напад врз Украина, а експлозии се слушнале во регионите на Киев, Харков, Днепропетровск, Запорожје, Виница и Полтава.