Четириесет и пет лица се повредени во експлозија во станбена зграда во Берлин. Според медиумските извештаи, експлозијата предизвикала пожар кој брзо се проширил, а густ чад го исполнил целиот скален простор.
Според полицијата, експлозијата се случила во стан на приземјето од станбената зграда. Маж кој живеел таму претрпел сериозни повреди на главата, но неговиот живот е надвор од опасност.
Повеќе од 45 други лица претрпеле полесни повреди од вдишување чад, а 15 биле однесени во болница, објавува „Тагес Шпигел“.
Пожарникарите и полицијата веднаш пристигнале на местото на настанот, а до утрото, речиси 100 пожарникари биле на местото на настанот. Шесткатната зграда била евакуирана, а некои жители биле сместени во привремен сместувачки капацитет.
Германските медиуми објавија дека за време на операцијата за гаснење пожар се случиле дополнителни експлозии, но полицијата сè уште не ги потврдила ниту негирала овие наводи.
Полицијата и експертите од Институтот за кривични истраги ја истражуваат причината за експлозијата, а на местото на настанот се испратени и истражители за експлозиви.