Британската актерка Ема Вотсон често е забележанa низ подземните галерии на лондонското метро како остава на скришни места книги кои страстните читатели ќе ги откријат и прочитаат. 
26-годишната актерка, која стана светски позната како Хермиона Грејнџер благодарение на улогата во серијалот за момчето волшебник Хари Потер, обезбедува на непознати по неколку примероци од книгата, која се најде на врвот месечната нејзина онлајн листа.
Тоа е заедничка акција на Ема Ватсон и движењето Books On The Underground, со која “самовили” оставаат примероци од своите омилени книги за патниците кои случајно ќе ги најдат и евентуално ќе ги прочитаат, а потоа ќе ги пренесат на пријатели.
Вотсон подели околу 100 примероци на делото на Маја Анџелоу ‘Mom & Me & Mum’, во некои од нив има и посвета.
Младата Британка беше назначена за амбасадор на добра волја на ОН во јули 2014 година.
На почетокот на оваа година таа започна да работи на споделувањето на книги, а Books On The Underground започна во 2012 и неделно дели по 150 книги во станиците на лондонското метро.
Патници кои, пронашле книги во метрото, често го споделуваат своето откритие во социјалните мрежи. 
Вотсон навлекува и критики во врска со феминистичките нејзини ставови и проектите со кои се обврза.
Неодамна таа призна во интервју дека немала и најмала идеја дека говорот во ОН за еднаквост на половите ќе ја “отвори Пандорината кутија” и преку интернет ќе ја потопат напади и тролови.
“Тоа беше мојот застрашувачки прв чекор како активист – збор кој никогаш не замислував дека ќе го користам за да се опишам себе”, вели Ема Вотсон.