Центарот на Филаделфија 76, Џоел Ембид вели дека однесувањето на Бен Симонс е разочарувачко и на работ на непочитување.
Минатата година, по одличната регуларна сезона, 76-ките стигнаа до полуфиналето на конференцијата, каде Атланта Хоукс беа подобри, по седум натпревари.
Симонс беше доста оспоруван по тој дуел. Австралискиот кошаркар потоа целосно се повлече, замина на одмор, а кога се врати, беше јасен во намерата да не се врати во Филаделфија, и покрај сите санкции.
Некои соиграчи беа подготвени да се качат во авион и да разговараат со него, но тој одби, покажувајќи јасна намера да сака да биде трејдуван по секоја цена.
Според некои извори, Симонс е дури подготвен да ја паузира целата сезона.
„Ситуацијата е разочарувачка, на работ на непочитување, бидејќи сите момци овде се борат за живот. Ако играте во победнички тим, најверојатно ќе останете во НБА“, рече Ембид.
И покрај сите коментари, Симонс е убеден дека Филаделфија одлучила да гради игра околу Ембид, што е сосема разбирливо кога ќе ги погледнете бројките. Сепак, Ембид не се согласува. Центарот тврди дека Бен секогаш го добивал она што му треба.
„Кога ни беа потребни шутери, стреч петки, Симонс секогаш го добиваше она што му требаше“, рече Ембид и потоа ги наброја сите добри шутери за три поени во тимот.
Ембид исто така спомена дека поради плејмејкерот, тие останале без Џими Батлер за време на меѓусезоната во 2019.
„Се ослободивме од Џими, за што се уште мислам дека не беше во ред, само за (Симонс) да ја има топката во неговите раце. Тоа е одлуката што ја донесе организацијата“, рече еден од главните кандидати за наградата МВП.
Joel Embiid spoke out on the reports that Ben Simmons doesn't want to play with him anymore. pic.twitter.com/r7GdXv8W5C
— Yahoo Sports (@YahooSports) September 30, 2021
Сепак, Ембид сe уште верува во Симонс и вели дека тимот е многу подобар со него.
„Нема сомнение за тоа, ние сме подобар тим со него. Се уште се надеваме дека ќе се премисли, но им должам на моите соиграчи да се концентрираат на нив и на она што го имаме“, заклучи Џоел.
Австралиецот се уште е под договор со Филаделфија, во кој се наведува дека ќе заработи 147 милиони долари во следните четири години, вклучувајќи 33 милиони за оваа сезона.
Како што стојат работите засега, Симонс ќе загуби голем дел од тие пари поради парични казни (тој веќе загуби дел поради тоа што не се појави на тренинзи), но нема да се врати во 76-ките.
Како можни следни дестинации најчесто се споменуваат Портланд и Голден Стејт.
Video of Joel Embiid's candid comments about Ben Simmons today:
"Our teams have always been built around [Ben's] needs. … The situation is weird, disappointing, borderline kind of disrespectful to all the guys that are out here." pic.twitter.com/Z8olfesz5Y
— NBC Sports Philadelphia (@NBCSPhilly) September 30, 2021