23
Швајцарскиот тенисер Роџер Федерер реагираше на објавата на Рафаел Надал дека става крај на кариерата.
„Каква кариера, Рафа! Отсекогаш се надевав дека овој ден никогаш нема да дојде. Ти благодарам за незаборавните спомени и неверојатните достигнувања во играта што ја сакаме. Беше апсолутна чест”, напиша Федерер.
Надал во многу наврати потенцираше дека Федерер му бил најголемиот ривал.
Ќе останат запаметени нивните натпревари во финалето на Ролан Гарос и особено на Вимблдон, каде со своите игри ги поместија границите на тенисот.