Според телевизијата САД се подготвуваат за евентуален моќен голем сајбер напад против Кремљ.
Потпретседателот на САД Џо Бајден ги отфрли критиките дека Белата куќа не реагирала на наводните обиди за интервенција на Русија во претседателските избори следниот месец, пренесе Франс прес.
“Ќе испратиме порака” на рускиот претседател Владимир Путин, изјави Бајден со иронична насмевка во интервјуто за американската телевизија Ен-Би-Си.
“Имаме капацитет да го направиме и пораката ќе биде испратена”, истакна тој, прецизирајќи дека тоа ќе се случи во вистинскиот момент.
Запрашан дали општеството ќе знае за пораката Бајден одговори лаконски: “Се надевам дека не.” Потпретседателот на САД не даде детали.
Според телевизијата Ен-Би-Си, пренесува ТАСС, САД се подготвуваат за евентуална моќен голем сајбер напад против Русија. Целта била да биде погодено руското раководство. Минатата недела администрацијата на претседателот на САД Барак Обама ја обвини Русија дека се меша во претседателските избори, и дека има оркестрираното хакирање на пораките на американски истакнати личности и институции.
Цел на сајбер нападите е главно Демократската партија и нејзиниот кандидат за претседател Хилари Клинтон. Во средата рускиот министер за надворешни работи Сергеј Лавров ги нарече обвинувањата како додворувања, но смешни.
Обвинувањата на голем број жени против кандидатот на републиканците за претседател на САД Доналд Трамп ги засенија речиси целосно необичниот обид на трета страна, која и да е таа, да влијае на исходот од трката во критичниот момент, забележуваат американските медиуми.
Вчера сајтот Викиликс објави уште серија електронски писма, украдени од личниот профил на шефот на кампањата на Клинтон Џон Подеста.
Од штабот на демократката изјавија, повикувајќи се на информации на Федерално биро на истрага (ФБИ) дека овој хакерски удар е дел од заедничкиот голем сајбер напад против раководството на Демократската партија, во која може да е вмешана Русија.
Од новите објавени пораки станува јасно дека тимот од кампањата на Хилари Клинтон побарале нејзиниот сопруг Бил Клинтон да биде избришан како дел од говорот наменет за инвестициската фирма од минатата година, за тоа да не изгледа премногу близко до Волстрит, посочуваат агенциите. Самата кандидат-претседателка на демократите првично била против поништување, но на крајот била убедена.
Платените говори на семејството Клинтон, особено најдоходовните се појавија на Волстрит, со полемичко прашање во текот на целата кампања, забележуваат агенциите.
Според друг истечен маил кандидатот-претседателката на демократите изјавила во приватен говор за банката Голдман Сакс (Goldman Sachs) на 4 јуни 2013 година, дека САД ќе ја опколи Кина со противракетен штит и ќе се распоредат воени бродови во регионот, ако таа не направи повеќе за да се заузда на севернокорејската нуклеарна програма, пренесоа агенциите. Автентичноста на протечениот маил не може да биде потврден.
Од штабот на Хилари Клинтон одбија да дадат коментар. Иако наводните коментари на Клинтон ги распалија страстите во Азија, тие се во склад со неособено најуспешните досега обиди на САД да ја убедат Кина да ја ограничи нуклеарната и ракетна програма на Северна Кореја, забележуваат агенциите. Пекинг е главен сојузник и донатор на изолираниот режим во Пјонгјанг.