44
Тренерот на Пари Сен Жермен, Луис Енрике го коментираше настапот на грузиската суперѕвезда Хвича Кварацхелија во неговото деби за тимот.
„Овој натпревар беше тежок за деби. Кварацхелија се претстави добро, внесувајќи многу креативност во играта на крило. Но, генерално, сите наши напаѓачи можат да играат на која било позиција“, изјави Енрике.
Кварацхелија му асистираше на голот на Усман Дембеле на првенствениот натпревар против Ремс, што сепак не беше доволно и шампионите ремизираа 1:1.
„Хвича почнува да се разбира со своите соиграчи и да го запознава стадионот. Ова е почеток на врската која се надеваме дека ќе биде многу добра“, додаде Енрике.