Ејпл со 40 милиони претплатници на својот сервис за емитување музика

Ејпл Мјузик одделението на американскиот гигант Ејпл денеска соопшти дека ја достигнало бројката од 48 милиони претплатници на сервисот за емитување на музика и видео спотови.

Ејпл воедно соопшти дека Оливер Шусер, кој во изминатите 14 години држеше разни позиции низ компанијата, ќе биде потпретседател на компанијата задолжен за Епл Мјузик.

Ејпл е во трка со Спотифај за музичкиот пазар. Спотифај има 71 милиони претплатници, од кои дел се само регистрирани со компанијата. Епл Мјузик, пак, соопшти дека од регистрираните 48 милиони претплатници, 40 милиони се активни, односно плаќаат за услугата. Двете компании нудат претплата од 9 долари и 99 центи месечно.