Епска битка и триумф на Хрватска за финале на ЕП

Ракометарите на Хрватска се први финалисти на Европското првенство откако по голема борба и две продолженија ја совладаа Норвешка со 29-28.

Херој на Хрватите беше Жељко Муса кој постигна гол на пет секунди до крајот.

Домагој Дувњак со 8 гола беше најдобар во редовите на „коцкестите“, а залудни беа 10 гола на Сандер Сагосен кај Норвежаните.

Во финалето Хрватска за титулата ќе се бори во недела против подобриот од второто полуфинале меѓу Шпанија и Словенија.