Фудбалерите на Шериф од Тираспол успеаја да го шокираат Реал и да го победат со 2: 1 среде Мадрид, со што приредија едно од најголемите изненадувања во поновата историја на Лигата на шампионите.
Иако статистиката беше целосно на страната на „кралскиот клуб“, кој имаше 28 удари против противничките четири, со скоро 70% посед на топката, сепак тоа не го одлучи победникот.
Првиот гол на натпреварот го постигна Јахшибаев во 25. минута за целосна тишина на стадионот „Сантијаго Бернабеу“, а гостите предноста ја чуваа до 65. минута, кога Карим Бензема возврати од пенал.
Шериф немаше среќа во 72. минута откако нивниот гол беше поништен поради офсајд, но на крајот сепак успеа да приреди епски шок.
Стрелец на победничкиот гол, веројатно најважниот во историјата на неговиот клуб, беше Тил во 90. минута.