Турскиот претседател Реџеп Таип Ердоган изјави денеска дека светот мора уште погласно да бара крај на палестинско-израелскиот конфликт и повика да се преземат „ефективни чекори“ за да се запре Израел.
Ердоган се сретна со претседателот на Узбекистан Шавкат Мирзијоев во Ташкент, каде што учествува на 16-от самит на Организацијата за економска соработка, пренесува РИА Новости.
„За време на средбата се разговараше за чекорите што треба да се преземат за развој на билатералната соработка меѓу Узбекистан и Турција, актуелните регионални и глобални проблеми, ситуацијата претставена со израелските напади врз Појасот Газа и напорите за доставување хуманитарна помош до цивилите. “ се наведува во соопштението од кабинетот на турскиот претседател.
Ердоган рече дека светот мора посилно да го крене својот глас за да се стави крај на израелската окупација на Газа и дека „мора да се преземат ефективни чекори за да се запре Израел“.