Турскиот претседател Реџеп Тајип Ердоган денеска изјави дека убиството на саудискиот новинар Џамал Кашоги било планирано со денови.
Тој пред пратениците во турскиот Парламент наведе дека видео снимките од безбедносните камери покажуваат дека Кашоги не ја напуштил зградата на Генералниот конзулат на Саудиска Арабија во Истанбул.
Ердоган наведе и дека камерите во Конзулатот биле отстранети.
– Саудиска екипа составена од три лица пристигнала во Истанбул неколку денови пред убиството на Кашоги, а 15 саудиски претставници влегоа во Конзулатот на денот на убиството. Саудиската екипа беше и во шума во Истанбул и во Јалова, наведе Ердоган.
Тој додаде дека во Саудиска Арабија уапсени се 18 лица поради убиството на Кашоги, што се совпаѓа во информацијата со која располага турското разузнавање.
Според турскиот претседател, Кашоги бил свирепо убиен.
Саудискиот новинар и дописник на „Вашингтон пост“, Кашоги исчезна на 2 октомври, а последен пат е виден како влегува во Генералниот конзулат на Саудиска Арабија во Истанбул.
По повеќедневно демантирање, официјален Ријад во петокот призна дека Кашоги е убиен во Конзулатот во непланирана „караница и тепачка“.
Текстовите, фотографиите, видеоматеријалите и другите содржини што ги објавува „lokalno.mk" се авторски.
Во ниту еден случај не е дозволено нивно бесплатно преземање без дозвола од редакцијата на Lokalno.
Доколку се добие дозвола, текстовите, фотографиите, видеоматеријалите и другите содржини дозволено е да се преземат со задолжително наведување на изворот и авторот со вметнување на директна интернет-врска (линк) до оригиналната содржина на „lokalno.mk".
При добивање на одобрување од редакцијата за превземање на текст, може да се превземе само дел од новинарско дело насловот, придружната фотографија (односно насловната фотографија) и воведниот дел на текстот, познат како „лид"
Преземање содржини од „lokalno.mk" надвор од овие услови не е дозволено и подложи на санкционирање согласно Законот за авторски и сродни права.