Турскиот претседател Реџеп Таип Еродган денес го нарече Израел „сурова, терористичка држава“, откако израелската полиција истрела гумени куршуми и шок-бомби врз палестинската младина која фрлаше камења кон нив кај џамијата Ал Акса во Ерусалим во петокот.
„Суровиот Израел, терористичката држава Израел, безмилосно и неетички ги напаѓа муслиманите во Ерусалим“, рекол Ердоган.
Тој ги повикал сите муслимански земји и меѓународната заедница да преземат „ефикасни чекори“ против Израел.
Ердоган додал дека Турција започнала „неопходни иницијативи“ за да ги охрабри Обединетите нации, Организацијата за исламска соработка и сите релевантни институции да преземат мерки, пренесува Ројтерс.
Синоќа израелската полиција се судрила со Палестинците пред стариот град во Ерусалим за време на најсветата ноќ на Рамазан, а претходно спречиле автобуси со муслимански верници кои се движеле кон тој град.
Судирите избувнаа пред џамијата Ал Акса, каде се собраа околу 90.000 Палестинци, а во источен Ерусалим полицијата употребила шок-бомби, пренесува „Харец“.
Според податоците на палестинскиот Црвен крст, најмалку 53 лица се повредени, а израелската полиција соопштила дека е повреден и еден полицаец.
There are currently dozens of Israeli soldiers at the Al Aqsa mosque, terrorizing Palestinians on one of the holiest nights of the year for Muslims. More than 50 Palestinians have been injured, some needing hospitalization. And yet, no word from @SecBlinken @StateDept. pic.twitter.com/LFMZm1zS7T
— IMEU (@theIMEU) May 7, 2021
Новите судири се случуваат еден ден по насилството во кое, според палестинските медицински служби, повеќе од 200 Палестинци биле повредени во близина на џамијата Ал Акса и други локации во Ерусалим. Повредени се и 18 полицајци.
Додека полицијата наведува дека нивните активности биле предизвикани од безбедносни причини, муслиманите ги сметаат за провокации и го обвинуваат Израел за спречување на слободата на вероисповед, пренесува АП.
За муслиманите, Ал-Акса е третото најважно светилиште, а Евреите веруваат дека некогаш имало два еврејски храма на тоа место.
Комплексот Ал-Акса опфаќа 15 проценти од старото јадро на Ал-Кудс, и е точка на спојување на трите најголеми религии во светот.
После Месџидул-Харам во Мека и џамијата на Пророкот во Медина, Ал-Акса е третото најважно место за муслиманите.