Легендарниот шведски тренер Свен Горан Ериксон почина во август минатата година на 76-годишна возраст по долга и тешка битка со ракот. Поранешниот селектор на Англија, човек кој раководеше со тимови како Бенфика, Рома, Сампдорија, Манчестер Сити и Лестер, имал огромни проблеми со долговите, беше откриено денеска во шведскиот печат.
Имено, шведската даночна агенција „Скатеверкет“ открила дека Свен Горан-Ериксон со сиот свој недвижен имот имал сума од околу 66 милиони шведски круни, вклучувајќи имот во Швајцарија, додека од друга страна должел околу 118 милиони круни.
Математиката е јасна, што значи дека во моментот на смртта Свен Горан-Ериксон всушност бил во негатива за 51 милион круни, што во превод значи околу 4.500.000 евра. Најголем дел од долговите се даночните долгови во Велика Британија.
Според шведски „Expressen“, во тестаментот Свен Горан-Ериксон истакнал дека сака да им го подари својот недвижен имот на своите деца Лина и Јохан, а исто така сакал да и даде на својата избраничка Џенисет 10 милиони круни, доколку неговиот недвижен имот вреди повеќе од 100 милиони шведски круни, а дел од парите биле наменети за образованието на нејзиното дете.
Свен-Горан исто така сакал да му даде милион круни на својот брат Ларс-Ерик, за грижата за неговите родители. Сепак, по исцртувањето на конечната линија, откриено е што навистина се случува зад сцената.
Шведскиот Expressen понатаму наведува дека самиот Свен Горан Ериксон нагласил дека слабо ги контролира своите финансии и дека не знае колку пари всушност има во негова сопственост. Во 2007 година ангажирал финансиски советник Самир Кан да се грижи за сето ова, а две години подоцна открил дека бил измамен за преку 100 милиони круни.
– Беше моја вина, му дозволив да ги вложи моите пари – изјави тогаш Свен.
За покривање на дел од долгот се продава неговата палата во Бјеркефорс, а цената по првичната, која беше одредена на 40 милиони круни, сега е намалена на 25 милиони (околу 3.500.000 евра).