Канцеларијата на Европската унија во Приштина го осуди ранувањето на Милан Јовановиќ на контролниот пункт на косовската полиција кај Звечан и побара истрага и апсење на одговорните за тој инцидент.
„ЕУ во Косово го осудува безбедносниот инцидент во кој синоќа беше ранет косовски Србин во близина на косовската полициска станица на мостот Бистрица во општина Звечан. Сите надлежни судски институции сега треба да спроведат брза и темелна истрага и одговорните да ги доведат до правда“, се вели во соопштението на Твитер на Канцеларијата на ЕУ во Приштина.
The EU in Kosovo condemns the security incident in which a Kosovo Serb was shot and injured last night nearby the @Kosovo_Police checkpoint at the Bistrica bridge in Zvečan/Zveçan municipality.
— European Union in Kosovo (@EUKosovo) April 11, 2023
Истовремено, тие наведуваат дека сите институции за владеење на правото на Косово сега треба да спроведат брза и темелна истрага, а одговорните да ги изведат пред лицето на правдата.
Дека функционерите и институциите на косовската полиција мора да спроведат темелна, веродостојна истрага, претходно најави и американскиот амбасадор во Приштина, Џефри Ховениер.
„Длабоко сме загрижени за првичното демантирање направено поради недостаток на должна анализа“, рече Ховениер и рече дека сите граѓани мора да имаат доверба во транспарентноста на спроведувањето на законот и правосудниот сектор.
Да потсетиме Милан Јовановиќ од Звечан, гратче на северот на Косово пред две вечери бил ранет во близина на Бистрички мост. Бил застрелан од припадници на специјалната единица на косовската полиција (Росу) додека возел автомобил на патот од Лепосавиќ. Повредениот е опериран и моментално се наоѓа на интензивна нега.