Европската комесарка за Медитеранот Дубравка Шуица ќе отпатува во Вашингтон за да присуствува на состанокот на Мировниот одбор формиран од американскиот претседател Доналд Трамп како набљудувач, но Европската комисија нема да стане членка на телото, изјави денес портпаролот на Европската комисија, Гијом Мерсие.
„Европската комисија нема да стане членка на Мировниот одбор, но ние учествуваме на овој состанок како дел од нашата долгорочна посветеност на спроведувањето на прекинот на огнот во Газа, како и нашата улога во меѓународните напори за поддршка на реконструкцијата и повоената реконструкција во Газа“, рече Мерсие, според Ројтерс.
Американскиот претседател го свика инаугуративниот состанок на Мировниот одбор во Вашингтон во четврток, 19 февруари, со главен фокус на собирање средства за реконструкција на Газа.