Постојаните претставници на земјите членки ќе се сретнат вечерва во Луксембург, а најверојатно ќе се разговара и за темата бугарското вето за Северна Македонија.
Мали се шансите за ова прашање да се дебатира, изјави извор од ЕУ. Тој напоменува дека за да се случи тоа мора да дојде став од Бугарија за францускиот предлог за надминување на бугарското вето, веројатно од Комисијата за надворешни работи на Собранието.
Доколку, пак, биде испратена и прифатена од амбасадорите, утре ќе се расправа за ставот на Советот за општи работи, кој треба да даде „зелено светло“ за започнување на меѓувладина конференција со Северна Македонија и Албанија.
Во случај на позитивен развој на настаните, политичко одобрување на одлуката ќе дадат и европските лидери, кои ќе се сретнат во четврток и петок во Брисел.