109
Европската унија размислува да обезбеди помош за вооружените сили на Молдавија со дополнителни 40 милиони евра за зајакнување на воздушниот надзор, логистиката и сајбер одбраната, објави денеска Блумберг.
Според предлогот на надворешнополитичкиот огранок на блокот, кој беше испратен до земјите членки минатата недела и до кој Блумберг имаше пристап, средствата ќе бидат повлечени од Европскиот фонд за мир.
Се додава дека помошта на ЕУ ќе вклучува несмртоносна опрема и набавки, како што се мобилни радари на земја со долг дострел, пикап камиони, комуникациска опрема и хардвер, како и софтвер за зајакнување на ИТ инфраструктурата.