Украина има за цел да евакуира две третини од населението од областа што ја контролира во источниот регион Доњецк, разрушен од борби пред зимата, делумно поради загриженост дека луѓето нема да можат да обезбедат греење поради инфраструктурата оштетена од војна, изјави украинската вицепремиерка Ирина Вершчук.
Таа наведе дека украинската влада планира да евакуира околу 220.000 луѓе од околу 350.000, меѓу кои 52.000 деца, пренесува „Ројтерс“.
На крајот на минатиот месец Украина најави задолжителна евакуација на луѓето од регионот на Доњецк, каде што се водеа борби со руските сили, со цел да се спасат животите на цивилите.
„Ројтерс“ додава дека иако властите ја опишуваат евакуацијата како „задолжителна“, жителите можат да се откажат со пополнување формулар во кој ќе ја изјавуваат својата намера да останат.
Вершчук рече дека повеќе од 3.900 луѓе се евакуирани од 1 август и нагласи дека илјадници треба да заминат пред да дојде зимата, бидејќи борбите ја уништиле електричната и топлинската инфраструктура.
Таа додаде дека евакуацијата можеби ќе треба да се прошири и на други области погодени од војна, како што се Керсон, Харков и Запорожје.