Откако неодамна во јавноста протече информација дека војвотката од Сасекс Меган Маркл, сака да глуми во филм со суперхерои, сега започна да се шпекулира и за нејзино враќање во серијата Suits, во која го глумеше ликот на Рејчел пред да се омажи за принцот Хари и мораше да се откаже од својата актерска кариера.
Принцот Хари и Меган на крајот на овој месец ќе отстапат од своите кралски должности, а Меган веќе започна да крои планови за иднината во која нема да биде ограничена со строгите правила и забрани. За враќањето во серијата ѝ понудиле хонорар од милион долари, но војвотката не објавила дали ќе се врати или не.
Германската козметичка фирма Биотулин отишла чекор понатаму и ѝ понудиле неверојатни 5 милиони долари за секои пет секунди во серијата. Познато е дека Меган и во приватниот живот ги користи нивните производи.
Еден извор близок до војвотката рекол дека веќе постојат планови во кои се настојува да се осигура голема улога за Меган.